Беларусь заняла 10 месца на чэмпіянаце Еўропы па лёгкай атлетыцы
Ён завяршыўся 17 жніўня ў Цюрыху. Беларускія спартсмены заваявалі два залатыя медалі.
Найвышэйшыя ўзнагароды атрымалі Андрэй Краўчанка ў дзесяцібор'і і Марына Арзамасава ў бегу на 800 метраў. У агульным медальным заліку Беларусь стала дзясятай. Першая тройка выглядае наступным чынам: Вялікабрытанія (12 залатых, 5 сярэбраных і 6 бронзавых узнагарод), Францыя (9, 8, 6) і Германія (4, 1, 3).
Два гады таму на ЧЕ ў Хельсінкі беларусы мелі два "срэбра" і тры "бронзы". І занялі ў выніку толькі 19-е месца.
