Беларусам у Літве паступаюць непраўдзівыя званкі ад імя літоўскіх спецслужбаў
![Мабільны тэлефон, ілюстрацыйнае фота](/sites/default/files/styles/gallery_main/public/2023-10/iphone_19_10.jpg.webp?itok=M9s_eGjz)
Мабільны тэлефон, ілюстрацыйнае фота / pixabay.com
Літоўскі Дэпартамент дзяржаўнай бяспекі папярэджвае аб непраўдзівых званках, якія паступаюць грамадзянам Беларусі, якія пражываюць у краіне. Літоўскім спецслужбам стала вядома, што невядомыя тэлефануюць беларусам і прадстаўляюцца супрацоўнікамі Дэпартамента міграцыі. Яны запрашаюць грамадзян зайсці ў ДДБ запоўніць анкету. Адначасова праводзяць і вуснае апытанне, прычым задаюць пытанні, звязаныя з дзейнасцю беларускіх дэмакратычных сіл.
"Дэпартамент дзяржбяспекі заклікае жыхароў быць пільнымі, не рэагаваць на падазроныя званкі і не паддавацца на правакацыі", — гаворыцца ў паведамленні літоўскай спецслужбы. Калі ж званок паступіў, то беларусаў просяць паведаміць пра гэта ў Дэпартамент дзяржаўнай бяспекі па тэлефоне +370 700 70 007 або па электроннай пошце [email protected].
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.