З хворымі на шаленства жывёламі кантактавалі больш за 70 чалавек
![Медыкі заклікаюць беларусаў быць асцярожнымі](/sites/default/files/styles/gallery_main/public/2024-09/sabak.jpg.webp?itok=GLmtfzAd)
Медыкі заклікаюць беларусаў быць асцярожнымі / t.me/minzdravbelarus/
З хворымі на шаленства жывёламі кантактавалі больш за 70 чалавек. Міністэрства аховы здароўя Беларусі паведаміла пра два выпадкі за апошні тыдзень у Магілёўскай і Віцебскай абласцях. Медыкі падчас эпідэмічнага расследавання падлічылі, колькі чалавек гладзілі, гулялі з заражанымі жывёламі. У адным выпадку гэта быў бяздомны сабака са шчанюкамі — іх падкормлівалі ўсім пасёлкам, у іншым выпадку — шчанюк хаскі, якога своечасова не прышчапілі.
У Мінахове здароўя сцвярджаюць, што "сітуацыя застаецца на кантролі", а ўсе, хто звярнуўся па медапамогу, атрымліваюць лячэнне.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.