Продаж петардаў забараняюць у Беларусі з 4 студзеня
Петарда, ілюстрацыйнае фота / pixabay.com
У Беларусі з 4 студзеня забараняюць аптовы і рознічны гандаль піратэхнічнымі вырабамі. Адпаведную пастанову падпісаў прэм'ер-міністр Раман Галоўчанка, паведамляе прэс-служба ўрада.
Забарону тлумачыаць частымі траўмамі (у тым ліку сярод дзяцей) у выніку парушэння правілаў выкарыстання піратэхнічных вырабаў.
Як паведамлялася раней, у навагоднюю ноч ад піратэхнікі пацярпелі не менш за 15 чалавек. Прычым некаторым у выніку давялося ампутаваць фалангі пальцаў.
Пад забарону не трапіў аптовы продаж піратэхнічных вырабаў юрыдычнымі асобамі, якія маюць адпаведны дазвол, іншым юрыдычным асобам, якія маюць дазвол:
— на права продажу піратэхнічных вырабаў тэхнічнага прызначэння IV і V класаў небяспекі;
— на правядзенне феерверкаў з выкарыстаннем піратэхнічных вырабаў тэхнічнага прызначэння IV і V класаў небяспекі.
Таксама не забаронены ️аптовы і рознічны гандаль бенгальскімі агнямі, хлапушкамі, тортавымі свечкамі (фантаны халоднага агню).
