Беларуска Дар’я Блашко ачоліла агульны залік юніёрскага Кубка свету па біятлоне
Беларуска Дар’я Блашко ачоліла агульны залік юніёрскага Кубка свету па біятлоне. Гэта стала магчымым дзякуючы высокім вынікам, якія яна паказвае ў некалькіх гонках запар. Так, у спрынтарскай гонцы ў італьянскім Мартэле Дар’я заняла другое месца, саступіўшы ўсяго 3,7 секунды Арыне Пантавой з Казахстана.
Напярэдадні беларуска заняла трэцяе месца ў гонцы на 12,5 кіламетра. Першае месца дасталася ўкраінцы Марыі Кручавой, на другой пазіцыі Лізавета Бельчанка з Казахстана.
У гэтым сезоне Дар’я Блашко ўжо выйгравала спрынт у аўстрыйскім Аберцілаху.
Спартсменка з’яўляецца выхаванкай наваполацкай школы біятлону. Пасля двух этапаў юніёрскага Кубка свету яна мае 196 ачкоў і на 49 балаў апераджае Лізавету Бельчанка, якая займае другое месца ў агульным заліку. Трэці этап Кубка свету пройдзе ў Швейцарыі з 8 па 10 студзеня, паведамляе БЕЛТА.
Фота: Беларуская федэрацыя біятлону
