Беларуская гандбалістка спрабуе атрымаць грамадзянства Румыніі
Марыя Канавал / gsp.ro
Беларуская гандбалістка Марыя Канавал спрабуе атрымаць грамадзянства Румыніі. Яна падала ўсе неабходныя для гэтага дакументы, піша gsp.ro.
Канавал 27 гадоў. З 2020-га яна выступае за румынскі клуб "Дунэра".
Змена спартыўнага грамадзянства адбудзецца ў бліжэйшы час. Беларуску ўжо чакаюць у зборнай Румыніі. На яе зборы яна можа з'явіцца ў канцы ліпеня, а дэбют адбудзецца ў кастрычніку. А далей Марыю Канавал чакае чэмпіянат Еўропы.
Як вядома, беларускі (як і расійскі) гандбол з 2022 года з-за агрэсіі РФ супраць Украіны знаходзіцца пад санкцыямі, ён адхілены ад міжнародных спаборніцтваў.
