Беларусы пра алімпійскую вёску ў Рыа: у нумарах няма гарачай вады (фота)
![Беларусы пра алімпійскую вёску ў Рыа: у нумарах няма гарачай вады (фота)](/sites/default/files/styles/gallery_main/public/2023-08/rio_vioska_1.jpg.webp?itok=vgrkmz_o)
Алімпійская вёска ў Рыа-дэ-Жанейра не гатовая да прыёму дэлегацыяў на сёлетнія Гульні. Такую выснову можна зрабіць з паведамлення, якое апублікаваў афіцыйны сайт беларускага Нацыянальнага алімпійскага камітэта. Некаторыя прадстаўнікі беларускай дэлегацыі ўжо прыехалі ў Рыа і падзяліліся ўражаннямі ад умоваў пражывання для алімпійцаў.
У гатэльных апартаментах, у якіх паселяць беларускую зборную, няма гарачай вады, халодная падаецца з перабоямі. Там не працуе каналізацыя, а на падлозе, вокнах і лесвічных пралётах ёсць бруд.
Цяпер супрацоўнікі НАК прыводзяць у парадак апартаменты беларускай дэлегацыі. Прадстаўнікі медыцынскай групы практычна абсталявалі цэнтр аказання дапамогі спартсменам, дзе падчас Алімпіяды будуць працаваць профільныя спецыялісты. Менеджэры НАК укамплектоўваюць памяшканне штабу.