"Брэміна Груп" мяняе назву, каб сысці з-пад санкцый
!["Брэміна Груп" мяняе назву, каб сысці з-пад санкцый](/sites/default/files/styles/gallery_main/public/2023-08/bremina-0411.jpg.webp?itok=oHqsGkge)
Кампанія "Брэміна Груп" і ўсе яе лагістычныя цэнтры мяняюць назву, піша сайт orsha.eu.
Сама кампанія і яе кіраўніцтва трапілі пад міжнародныя эканамічныя санкцыі. Пры гэтым "Брэміна" займаецца перавозкамі на міжнародным узроўні, таму санкцыі могуць проста знішчыць бізнес.
Каб сысці з-пад санкцыяў, кампанія вырашыла памяняць назву. Паводле неафіцыйнай інфармацыі, цяпер яна будзе называцца AlisMa.
Як высветліла Еўрарадыё, у статутныя дакументы кампаніі ніякія змены пакуль што не ўносіліся.
Фігуранты "чорных" спісаў па-рознаму спрабуюць выратаваць свой бізнес ад санкцый. Напрыклад, алігарх Міхаіл Гуцарыеў перадаў акцыі "Русснефти" брату. Такім жа шляхам спрабавала дзейнічаць кампанія "Сінезіс".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.