Ці змусіць Гігін Польшчу плаціць рэпарацыі — стрым з Пашкевічам
Прызначэнне філосафа Гігіна кіраваць таварыствам “Веды” не дапамагло — з ведамі, прынамсі па гісторыі, у яго лепш не стала. Філосаф так і не спазнаў, з кім больш за ўсё даводзілася ваяваць у сваёй гісторыі людзям, якія жылі на тэрыторыі сучаснай Беларусі, і ад каго найбольш гэтыя людзі пацярпелі. Гісторыя сведчыць, што гэта былі нашы ўсходнія суседзі з цяперашняй Расіі. Але Гігін, наслухаўшыся прапаганды і гісторыка Лукашэнку, перакананы, што гэта — Польшча. І патрабуе цяпер ад гэтай краіны рэпарацый. Што на фоне ўдзелу лукашэнкаўскага рэжыму ў расійскай вайне супраць Украіны выглядае досыць неабачліва як мінімум.
За што звычайна краіна выплачвае рэпарацыі і ці мусіць Польшча за нешта плаціць Беларусі? Калі тэму рэпарацый для Беларусі ўзнімаць, то якой краіне найперш неабходна дасылаць такія патрабаванні? Хто мае права на такія ж патрабаванні ў бок Беларусі? На гэтыя ды іншыя пытанні адказвае гісторык Алесь Пашкевіч.
