Святлана Ціханоўская прызначыла пяцёх прадстаўнікоў і дарадцаў
![Святлана Ціханоўская прызначыла пяцёх прадстаўнікоў і дарадцаў](/sites/default/files/styles/gallery_main/public/2023-08/alana-0510.jpg.webp?itok=e_K79J4g)
Святлана Ціханоўская прызначыла Алану Гебрэмарыям сваёй прадстаўніцай па справах моладзі і студэнтаў. Алана — актывістка "Моладзевага блока", сябра асноўнага складу Каардынацыйнага савета.
Таксама Ціханоўская заявіла, што падтрымлівае працу грамадскай Канстытуцыйнай камісіі, якая распрацоўвае змены і дапаўненні ў Канстытуцыю 1994 года. Старшыня камісіі — Мечыслаў Грыб, а каардынуе яе працу Анатоль Лябедзька. Абодва яны сталі прадстаўнікамі Ціханоўскай па канстытуцыйнай рэформе.
Сваім старэйшым палітычным дарадцам Ціханоўская абвясціла Аляксандра Дабравольскага, які ўваходзіць у кіраўніцтва АГП. Ён з'яўляецца дырэктарам усходнееўрапейскай школы палітычных даследаванняў.
Дарадцам па міжнародных адносінах Ціханоўскай стаў Франак Вячорка — журналіст, выкладчык каледжа Еўропы, аналітык Атлантычнага савета, віцэ-прэзідэнт Digital Communication Network.
Раней Ціханоўская абвясціла юрыста Гары Паганяйла сваім прадстаўніком па правах чалавека, а эканаміста Алеся Аляхновіча — прадстаўніком па эканамічных рэформах.
![Святлана Ціханоўская прызначыла пяцёх прадстаўнікоў і дарадцаў](/sites/default/files/paragraphs/image/franak-0510.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.