Што паглядзець беларусам на Ютубе перад Новым годам? Нашы рэкамендацыі

Прывыклі сядзець за навагоднім сталом пад розныя навагоднія канцэрты, але не хочаце адчуваць іспанскі сорам ад беларускай і расійскай прапаганды?

Незалежны беларускі Ютуб прапануе разнастайны святочны кантэнт. Еўрарадыё сабрала падборку навагодніх відэа, якія варта паглядзець (але не забывайце пра бяспеку — большасць каналаў з нашай падборкі прызнаныя ў Беларусі экстрэмісцкімі).

Новогодняя ночь на Белсате

Телеканал Белсат традиционно приглашает зрителей присоединиться к своему масштабному праздничному шоу. Команда анонсировала, что подготовила "невероятно теплую и душевную программу новогоднего вечера".

Беларусаў павіншуюць Лявон Вольскі, Дзяніс Дудзінскі, спявачка KETEVAN, гурты J:MORS і "Разбітае сэрца пацана", а яшчэ загадкавыя таемныя госці.

Пачатак трансляцыі — 31 снежня ў 19: 00.

Новы год з Бі-2 на “Маланцы”       

— Думаеце, з кім сустрэць Новы год? "Блакітны агеньчык" ужо не ў трэндзе, а танцаваць хочацца? Тады заставайцеся з "Маланкай".

Каманда журналістаў вырашыла не расставацца са сваімі гледачамі ў ноч з 31 снежня на 1 студзеня і падрыхтавала навагодні стрым.

А 31 снежня ў 9:30 гледачоў чакае навагодні выпуск. Таму калі хочаце праводзіць год на гумарыстычнай нотцы — раім не прапусціць.

Зварот Святланы Ціханоўскай

Лідарка беларускіх дэмакратычных у сваім тэлеграм-канале напісала, што цяперашняе навагодняе віншаванне будзе моцна адрознівацца ад усіх, што раней бачылі беларусы.

“Дзякуй усім беларусам, хто далучыўся да здымак. Вы браліся ўдзельнічаць сем’ямі, з дзеткамі і стварылі такую шчырую, цёплую атмасферу, што яна адчуваецца ў кожным кадры. Было прыемна бачыць знаёмых людзей — тых, хто ўвесь гэты час крочыць поруч і штодзённа ўкладаецца ў тое, каб мы як мага хутчэй вярнуліся дамоў”, — напісала Ціханоўская.

31 снежня на канале будзе апублікаванае зборнае відэа з песнямі з навагодніх эфіраў, як летась, расказалі Еўрарадыё стваральнікі шоу.

Вынікі года з “о(б)суждаем”

У 37-м выпуску шоу Ваня Прус і Глеб Сямёнаў падводзяць вынікі года. Прэм'ера відэа ўжо адбылася, але гэта не падстава яго не паглядзець.

Крутыя дэкарацыі, музыка і танцы ад вядоўцаў вам дакладна спадабаюцца.  Пераходзьце па спасылачцы і атрымлівайце асалоду ад.

Новы год з “Годна”

Каманда беларускіх экспертаў і экспертак у пытаннях беларускай нацыянальнай ідэнтычнасці "Годна" сёлета не застанецца ўбаку і таксама пакажа навагодні выпуск.

У праграме беларуская музыка, цікавыя размовы, крутыя госці і яркая вядоўца.

"Разам мы зробім гэты Новы год па-сапраўднаму асаблівым", — абяцаюць арганізатары.

Прэм'ера адбудзецца 31 снежня ў 19:00 на ютуб-канале “Годна”.

***

Летась проста ў навагоднюю ноч беларускія ўлады блакавалі інтэрнэт. Гэта адбылося якраз перад зваротам Святланы Ціханоўскай да беларускага народа. Яно выйшла ў эфір 31 снежня ў 23:50 адначасова са зваротам Аляксандра Лукашэнкі. Магчыма, гэта адбудзецца і сёлета.

А яшчэ не забудзьцеся ўключыць свае VPN.