Каля 40 мігрантаў спрабавалі нелегальна трапіць у Польшчу ў Новы год
Бар'ер на мяжы Беларусі і Польшчы / podlaski.strazgraniczna.pl
Каля 40 спробаў мігрантаў нелегальна перайсці мяжу з боку Беларусі зафіксавала 31 снежня і 1 студзеня памежная ахова Польшчы.
Дарэчы, непасрэдна перад тым, 30 снежня, было толькі 12 спробаў нелегальнага перасячэння мяжы з боку Беларусі.
Літоўскія і латвійскія памежнікі ў апошні дзень старога і першы дзень новага года парушальнікаў не зафіксавалі.
Нелегальныя мігранты масава спрабуюць перайсці з боку Беларусі ў краіны Еўрасаюза з сярэдзіны 2021 года. Беларускія ўлады не перашкаджаюць мігрантам у нелегальным пераходзе мяжы. Нават больш — польскія памежнікі неаднаразова фіксавалі, як людзі ў форме з беларускага боку дапамагаюць і накіроўваюць мігрантаў. Заходнія палітыкі вінавацяць рэжымы Лукашэнкі і Пуціна ў гібрыднай вайне, якую тыя вядуць сіламі мігрантаў.
