Ціханоўская заклікала кампанію Yara дапамагчы страйкоўцам "Беларуськалію"

Святлана Ціханоўская напісала ліст гендырэктару нарвежскай кампаніі Yara International Тору Суэйну Холзетэру. Гэта найбуйнейшы замежны партнёр "Беларуськалію".

Раней нарвежскай кампанія асудзіла ўціск правоў чалавека і правоў працоўных у Беларусі. Сітуацыю ў Беларусі нарвежцы называлі непрымальнай. У верасні дэлегацыя Yara аведвала Салігорск.

Ціханоўская падзякавала кіраўніцтву нарвежскай кампаніі за пазіцыю супраць гвалту, у падтрымку народа Беларусі і страйкоўцаў на "Беларуськаліі". Пры гэтым яна згадала, што ўзровень рэпрэсіяў павялічваецца, нягледзячы на спробы Yara наладзіць дыялог з топ-менеджментам "Беларуськалію". Кіраўніцтва беларускага прадпрыемства працягвае запалохваць рабочых, таму Ціханоўская прапаноўвае Yara прыпыніць або перагледзець кантракт з беларускім партнёрам.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.