Да 2100 года беларусаў можа застацца менш за 3 мільёны
Жыхароў Беларусі будзе станавіцца меней / @rubanau_collage
Да 2100 года насельніцтва Беларусі можа скараціцца да 3 млн чалавек. Такім несуцяшальным прагнозам падзяліўся дэпартамент ААН па эканамічных і сацыяльных пытаннях. Самы аптымістычны прагноз — насельніцтва краіны будзе складаць каля 6,5 млн чалавек.
Сярод добрых навінаў — дзіцячая смяротнасць будзе імкнуцца да нуля, а працягласць жыцця павялічыцца. Да 2100 года жанчыны ў Беларусі ў сярэднім будуць жыць да 88 гадоў, мужчыны — да 83.
