Дарогу дадому знаходзяць не ўсе. Як правільна сабрацца ў лес за грыбамі?
![Каб засцерагчы сябе, збіраючыся ў лес, трэба зусім няшмат намаганняў / Еўрарадыё](/sites/default/files/styles/main_image_watermark_/public/2023-08/griby_1.jpg.webp?itok=dcZkIRTk)
Каб засцерагчы сябе, збіраючыся ў лес, трэба зусім няшмат намаганняў / Еўрарадыё
Грыбны сезон у разгары, а гэта значыць, што некаторыя "паляўнічыя" губляюцца ў лясах. Чалаавек, які заблукаў, можа сутыкнуцца са смяротнай небяспекай. Каб гэтага пазбегнуць, варта як след падрыхтавацца да паходу ў лес.
МНС адзначае, што калі вы сабраліся нават у аднадзённы паход, то вам патрэбныя:
- компас, каб арыентавацца ў лесе;
- зараджаны тэлефон і знешні акумулятар на выпадак, калі тэлефон разрадзіцца;
- нож і запалкі або запальнічка на выпадак, калі прыйдзецца затрымацца ў лесе;
- запас вады і ежы;
- ліхтарык;
- парасон;
- свісток, каб даць ведаць пра сябе на адлегласці;
- спрэй ад насякомых;
- мінімальны запас медыкаментаў;
- адзенне з доўгім рукавом з тканіны, якая не прадзьмухваецца ветрам.
![Дорогу домой находят не все. Как правильно собраться в лес за грибами?](/sites/default/files/styles/default_image_paragraph/public/paragraphs/image/%D0%9C%D0%A7%D0%A1.jpg.webp?itok=h1YKUmrV)
Таксама варта паведаміць блізкім свой прыкладны маршрут і час вяртання. Апранацца лепш ярка. Пры перамяшчэнні трэба звяртаць увагу на незвычайныя месцы, напрыклад, паваленыя дрэвы. Так будзе прасцей арыентавацца. Пакуль вы не паглыбіліся ў гушчар, паглядзіце з дапамогай компаса, з якога боку выхад з лесу.
Вы таксама можаце паглядзець відэа ведамства, дзе сярод іншага тлумачыцца, як можна знайсці выхад з лесу, арыентуючыся па сонцы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.