Дазвол на пахаванне Ірыны Казулінай на Маскоўскіх могілках можа даць урад?

Мінгарвыканкам не даў дазволу на прадастаўленне месца для пахавання Ірыны Казулінай на Маскоўскіх (Усходніх) могілках.

Сталічныя чыноўнікі заявілі, што вырашэнне гэтага пытання знаходзіцца “не ў іх кампетэнцыі”. Цяпер Казуліны перадаюць просьбу у Савет міністраў, інфармуе “Хартыя-97”.

Раней, як ужо паведамляла Еўрарадыё, Аляксандр Казулін звярнуўся з падобным зваротам да Аляксандра Лукашэнкі.