Экс-прэзідэнта Малдовы Ігара Дадона падазраюць у здрадзе радзіме
![Экс-прэзідэнта Малдовы Ігара Дадона падазраюць у здрадзе радзіме](/sites/default/files/styles/gallery_main/public/2023-08/dsc_0874-scaled.jpg.webp?itok=GQJE9fA9)
Экс-прэзідэнта Малдовы, ганаровага старшыню Партыі сацыялістаў Ігара Дадона падазраюць у здрадзе радзіме. У яго доме ў Кішынёве праходзяць ператрусы, паведамляе newsmaker.md.
У Генпракуратуры Малдовы кажуць, што расследуецца справа не толькі аб "здрадзе радзіме", але і аб "пасіўнай карупцыі", "незаконным узбагачэнні" і "фінансаванні палітычнай партыі злачыннай арганізацыяй". Ператрусы ў доме Дадона і ў іншых месцах праводзяць супрацоўнікі Антыкарупцыйнай пракуратуры, Нацыянальнага цэнтра барацьбы з карупцыяй і Службы інфармацыі і бяспекі.
Пазней стала вядома, што экс-прэзідэнт затрыманы на 72 гадзіны.
Ігару Дадону 47 гадоў. Ён быў прэзідэнтам Малдовы ў 2016-2020 гадах (з невялікімі перапынкамі, паколькі неаднаразова адхіляўся ад пасады Канстытуцыйным судом). Сябар Аляксандра Лукашэнкі і Уладзіміра Пуціна. Дадон у сваёй палітыцы арыентаваўся на Маскву. Дзейны прэзідэнт Мая Санду арыентуецца на Захад.
Ператрусы ў Ігара Дадона адбываюцца на фоне вайны ва Украіне і крызісу вакол Прыднястроўя, у якім знаходзяцца расійскія войскі.
![Экс-прэзідэнта Малдовы Ігара Дадона падазраюць у здрадзе радзіме](/sites/default/files/styles/default_image_paragraph_watermark/public/paragraphs/image/izobrazhenie-iz-ios-26-2048x1536.jpg.webp?itok=pJ19BCEW)
![Экс-прэзідэнта Малдовы Ігара Дадона падазраюць у здрадзе радзіме](/sites/default/files/styles/default_image_paragraph_watermark/public/paragraphs/image/zu_0.jpg.webp?itok=ogMOy1aI)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.