Ісці за Расіяй ці за Еўропай: у Малдове праходзяць выбары прэзідэнта

Выбары прэзідэнта праходзяць 1 лістапада ў Малдове. Паводле апошніх звестак Цэнтрвыбаркама краіны, яны ўжо могуць быць прызнаныя адбыўшыміся: прагаласавала больш за траціну выбаршчыкаў.

Як паведамляе партал ZDG, зарэгістравана восем кандыдатаў у прэзідэнты: сем з іх ад партый, адзін ідзе як незалежны кандыдат.

Галоўны супернік Дадона — Майя Санду з партыі "Дзеянне і салідарнасць". Былая міністарка асветы і экс-кіраўніца кабінету міністраў, Санду ўдзельнічае ў выбарах прэзідэнта ў другі раз. У адрозненне ад Дадона, яна выступае за больш цеснае супрацоўніцтва з Еўрапейскім саюзам.

Верагодна, выбары пройдуць у два туры, як і ў 2016-м. Па дадзеных сацыёлагаў, рэйтынг Дадона перад гэтымі выбарамі складаў каля 32,5%, Санду — 18,4%

Чарговы раскол?

На фоне вострага супрацьстаяння паміж прарасійскімі і праеўрапейскімі сіламі ў Малдове многія чакаюць чарговых акцый пратэсту і беспарадкаў. Падагравае асцярогі і магчымасць фальсіфікацый, а таксама ўжо зафіксаваныя парушэнні, уключаючы подкуп і падвоз выбаршчыкаў.

На выбарах працуе невялiкая колькасць міжнародных назіральнікаў (309), што таксама выклікае падазрэнні ў многіх выбаршчыкаў. Нарэшце, абмежаваная магчымасць працы незалежнай прэсы: за дзень да выбараў, нягледзячы на ​​атрыманне папярэдняй згоды ад МЗС Малдовы, на рэйс Масква — Кішынёў не пусцілі журналіста "Новай газеты" Ірэка Муртазіна.