"Газпрам" сёння ўвёў рэжым перадаплаты за газ для Украіны
У Расіі налічылі Кіеву 4,5 млрд долараў запазычанасці за газ.
Як паведамляе УНІАН, раніцай у панядзелак "Газпрам" перавёў "Нафтагаз Украіны" на перадаплату паставак. Такое рашэнне прынятае з прычыны неплацяжоў.
Паводле расійскага боку, за мінулы і бягучы гады запазычанасць украінскай кампаніі склала 4 млрд 458 млн долараў.
Нагадаем, у Кіеве ў апошнія дні ішлі ўкраінска-расійскія газавыя перамовы. Расія прапанавала Украіне газ па цане 385 долараў за тысячу кубаметраў з улікам зніжкі 100 долараў. Украінскі бок ад такой прапановы адмаўляецца, паколькі лічыць, што расійскі ўрад можа адмяніць зніжку ў любы момант. Украінскі ўрад згодны на 268 долараў за тысячу кубаметраў. У выніку, пакуль дамовіцца не ўдалося.
Тым часам Еўрасаюз прапанаваў пакетнае вырашэнне газавай спрэчкі паміж Кіевам і Масквой. Украінскі бок гатовы прыняць прапановы, а рэакцыя Расіі пакуль невядомая.
Фота — ria.ru
