Хвароба каня перашкодзіла яшчэ аднаму беларусу паўдзельнічаць у Алімпіядзе
Спыняе спаборніцтвы на Алімпіядзе беларускі вершнік Аляксандр Зелянко. Яго каня Карла Грандэ знялі ветэрынары.
"Аляксандр Зелянко на Карла Грандэ не змог працягнуць выступ. Конь нашага спартсмена зняты па ветэрынарных паказаннях", — паведамляе прэс-служба Мінспорту.
Як распавядала Еўрарадыё, некалькі дзён таму з алімпійскіх спаборніцтваў быў вымушаны зняцца наш суайчыннік Аляксандр Фаміноў. У яго каня Марціні дыягнаставалі захворванне амаль адразу пасля прылёту ў Токіа.
