Каардынацыйная рада прыняла новую рэдакцыю статуту. Што змянілася?
Цяпер можна сумяшчаць мандат дэлегата КС і пасаду ў Аб'яднаным пераходным кабінеце. / t.me/rada_vision
Каардынацыйная рада прыняла змены ў статут, якія дазваляюць сумяшчаць мандат дэлегата КС і пасаду ў Аб'яднаным пераходным кабінеце. За прагаласавала 60 дэлегатаў з 80, паведамляе прэс-служба КС.
Аднак знаходзіцца ў АПК змогуць толькі радавыя дэлегаты. Пункт 2.8 статута прыняты ў наступнай рэдакцыі:
"Дэлегат Каардынацыйнага савета не можа сумяшчаць пасаду прадстаўніка або яго намесніка з правам голасу ў Аб'яднаным пераходным кабінеце з пасадамі спікера, віцэ-спікера, кіраўніка сакратарыята, кіраўніка камісіі або члена рабочай групы па слуханнях АПК у Кардынацыйнай радзе".
Новую рэдакцыю статута КС пачала распрацоўваць на мінулым тыдні спецыяльна створаная працоўная група. Поўную версію дакумента КС абяцаў апублікаваць у пачатку ліпеня.
