Кіраўніцтва Мытнага камітэта: Сабак-наркаманаў у нас няма

Па словах начальніка ўпраўлення арганізацыі барацьбы з кантрабандай і адміністрацыйнымі мытнымі правапарушэннямі Мытнага камітэта Паўла Лабачова, сваіх сабак беларускія мытнікі рыхтуюць наступным чынам:

“Бярэцца цацка сабакі з адмысловым пахам — наркотыкаў, зброі, выбухоўкі — і сабаку рыхтуюць вось па ёй акурат. Кожны сабака прывучваецца да аднаго канкрэтнага паху, ён не можа працаваць па двух… Наркотыкі мы сваім сабакам не даем, і, наколькі я ведаю, ніхто ў свеце так сабак не рыхтуе”.

Павел Лабачоў таксама расказаў, што сабакі працуюць у Мытным камітэце каля 5-7 гадоў. Пасля іх “выхаду на пенсію”, сабак часта забіраюць дадому супрацоўнікі мытні.

Фота — adt.by