Кіраўнік Еўрапарламента: Каталонія не стане незалежнай краінай
Старшыня Еўрапарламента Антоніа Таяні прадракае, што ніхто і ніколі не даведаецца пра Каталонію як незалежную краіну. Ён назваў рэферэндум у рэгіёне незаконным, а пераадоленне яго наступстваў — ўнутраным пытаннем Іспаніі, а не міжнароднай супольнасці.
На думку Таяні, адхіленне ад пасадаў лідараў Каталоніі і прызначэнне новых выбараў у рэгіянальны парламент было правільным. Ён перакананы, што выбары дазволяць каталонцам вырашыць, які ўрад яны хочуць мець. Новыя выбары прызначаны на 21 снежня.
Антоніа Таяні таксама сказаў, што Еўропа спадзяецца на вырашэнне складанай сітуацыі праз дыялог, аднак Еўрасаюз не будзе выступаць пасярэднікам. Вялікія еўрапейскія дзяржавы — Нямеччына, Вялікабрытанія, Францыя, Італія — адмовіліся прызнаваць незалежнасць Каталоніі паколькі, на іх перакананне, Іспанія павінна заставацца адзінай, перадаюць замежныя СМІ.
