Крысціна Ціманоўская прызямлілася ў Вене
Самалёт, у якім ляцела беларуска Крысціна Ціманоўская, прызямліўся ў Вене, перадае Радыё "Свабода".
Ціманоўская, якая атрымала польскую гуманітарную візу, планавала ляцець з Токіа ў Варшаву. Аднак у апошні момант маршрут быў зменены з меркаванняў бяспекі, і спартоўка вылецела ў Аўстрыю.
Адтуль яна,верагодна, адправіцца ў Польшчу, дзе ёй паабяцалі далейшую юрыдычную дапамогу, а таксама дапамогу ў працягу спартовай кар'еры.
Дарэчы, польскую гуманітарную візу атрымаў і муж беларускай спартоўкі — Арсеній Зданевіч, які цяпер знаходзіцца ў Кіеве. Пра гэта паведаміў афіцыйны прадстаўнік польскага ўраду Пётр Мюлер.
