Курс долара ў Беларусі працягвае расці

У сераду, 21 лютага, на Беларускай валютна-фондавай біржы прайшлі чарговыя таргі. Па іх выніках Нацбанк вызначыў новыя курсы валют. Курс долара ЗША вырас — з 1,9610 да 1,9623 беларускага рубля. Ён з пачатку лютага зніжаўся, а на бягучым тыдні пачаўся адваротны працэс. Курс еўра знізіўся — з 2,4246 да 2,4163 рубля. За 100 расійскіх рублёў сёння даюць 3,4624 беларускага (у аўторак — 3,4685).

Беларускі рубель умацаваўся да кошыка валют на 0,15%.