Амаль непазбежна? Раманчук спрагназаваў, калі можа адбыцца дэвальвацыя

Калі беларускі рубель апусціцца на 10-20 адсоткаў — гэта не заб’е фінансавую валютную сістэму, бо, як мы бачым, беларускі Нацыянальны банк мае ў рэзервах золата.

Эканаміст мае на ўвазе, што ў Нацбанка пакуль ёсць грошы, каб закрываць ажыятажны попыт на валюту. То-бок у момант панікі ён зможа гэтыя грошы прадаць людзям.
 

Тое, што не будзе ў 2024-м, не значыць, што не будзе ўвогуле

Яраслаў Раманчук нагадвае, што грошы на пагашэнне еўрааблігацый Лукашэнкам не трацяцца. Еўрааблігацыі ў нас у доларах і еўра. Значыць, дадатковага попыту на іх пакуль не будзе. Калі не будзе попыту, не будзе і ціску на курс.

— Але гэта, як кажуць, адкладзены попыт, бо рана ці позна трэба будзе гэтыя грошы вяртаць. Не беларускімі ці расійскімі рублямі, а менавіта валютай. Вось тады і здарыцца той самы абвал, які мы бачылі ў 2011 годзе.

Самае “цікавае” пачнецца ў 2025 годзе пасля самапрызначэння Лукашэнкі.