Лік у матчы Кубка федэрацыі Беларусь — Галандыя стаў 1:1
Пасля першага дня матчу першага кола ¼ фіналу Сусветнай групы Кубка федэрацыі Беларусь — Галандыя лік нічыйны — 1:1. Спачатку беларуска Аляксандра Сасновіч выйграла ў Міхаэлы Крайчэк — 4:6, 6:3, 6:2. Затым Арына Сабаленка саступіла Кікі Бертэнс — 6:3, 6:7 (6:8), 4:6.
12 лютага Сасновіч згуляе з Бертэнс, а Сабаленка — з Крайчэк. Таксама адбудзецца парная гульня — Вольга Гаварцова і Вера Лапко супраць Сіндзі Берхер і Аранчы Рус.
