Лукашэнка: Кемерава нас страсянула
![Лукашэнка: Кемерава нас страсянула](/sites/default/files/styles/gallery_main/public/2023-08/1517429699.jpg.webp?itok=14nN9E6O)
10 красавіка падчас сустрэчы з журналістамі дзяржаўных СМІ Аляксандр Лукашэнка закрануў тэму арганізацыі бяспекі ў грамадскіх месцах. Ён прыгадаў нядаўні выпадак у Салігорску, калі здарыўся пажар у мясцовай бальніцы, было эвакуявана 299 чалавек. Па словах Лукашэнкі, хуткая рэакцыя на гэтае здарэнне звязаная ў тым ліку і з трагедыяй ў Кемераве, дзе 25 сакавіка ў гандлёвым цэнтры падчас пажару загінулі больш за 60 чалавек, пераважна дзеці.
“Кемерава нас страсянула. Трыста чалавек эвакуявалі за імгненне”, — цытуе словы кіраўніка дзяржавы БЕЛТА. Ён даручыў разабрацца ў прычынах здарэння ў бальніцы, нагадаў пра жорсткую адказнасць за парушэнні ў арганізацыі бяспекі ў грамадскіх месцах, дзе заўсёды прысутнічае шмат людзей.