Лукашэнка: Мы не агрэсары, але няхай хтосьці да нас сунецца! (відэа)
Кіраўнік дзяржавы сёння сустрэўся з працаўнікамі авіяцыйнага рамонтнага завода ў Баранавічах. Ён выказаўся на тэмы палітыкі, эканомікі, войска.
Аляксандр Лукашэнка заявіў, што будаўніцтва і развіццё Узброеных Сілаў Беларусі вядзецца ў адпаведнасці з патрабаваннямі сучаснасці на падставе абарончай дактрыны.
"Мы не агрэсары, мы ваяваць ні з кім не хочам, — цытуе словы кіраўніка дзяржавы БЕЛТА. — Але, калі хтосьці сунецца, мы павінны быць гатовыя нанесці гэтаму агрэсару непрымальныя страты. Гэта толькі абарончая дактрына".
Лукашэнка адзначыў, што беларускае войска ўвесь час удасканальваецца "ў залежнасці ад таго, якія лакальныя войны адбываліся на нашай планеце".
Фота — ria.ru
