Лукашэнка: Перадачы прэзідэнцтва па спадчыне ў Беларусі не будзе

Аляксандр Лукашэнка запэўніў, што перадачы прэзідэнцтва па спадчыне ў Беларусі не будзе. Аб гэтым ён заявіў у інтэрв'ю літоўскім СМІ, паведамляе БЕЛТА.

"Я буду катэгарычным праціўнікам, каб мае дзеці пасля мяне былі прэзідэнтамі. Яны "наеліся" бацькоўскага прэзідэнцтва. Таму супакойцеся і супакойце іншых, асабліва ў Літве, што вось гэтай спадчыны або перадачы па спадчыне прэзідэнцтва ў Беларусі не будзе", — заявіў Аляксандр Лукашэнка.

Гаворачы пра свайго малодшага сына Колю, Аляксандр Лукашэнка не выключыў, што ў будучыні той мог бы стаць кіраўніком беларускай дзяржавы, як і кожны іншы грамадзянін краіны, які дасягнуў 35-гадовага ўзросту.