Лукашэнка: Саюзны Саўмін не сабраўся з-за таго, што "Керымава пакрыўдзілі"
У пятніцу праходзіць прэс-канферэнцыя Аляксандра Лукашэнкі для расійскіх рэгіянальных СМІ.
Кіраўнік Беларусі спыніўся на лёсе саюзнага праекту. Паводле яго слоў, ён застаецца актуальным. "Але народ зачакаўся нейкай дынамікі станоўчай, але гэта пытанне не да мяне", — сказаў Аляксандр Лукашэнка.
Кіраўнік дзяржавы распавёў, чаму не адбыўся ў Мінску Саюзны Саўмін. "Бо, бачыце, Керымава пакрыўдзілі і другіх. Калі гэта прычына, мы пачакаем", — сказаў Лукашэнка.
Кіраўнік Беларусі мае на ўвазе канфлікт вакол Беларускай калійнай кампаніі і затрыманне ў Мінску гендырэктара "Уралкалія" Уладзіслава Баўмгертнера.
