Лукашэнка звольніў Вакульчыка і Барсукова ў запас па ўзросце
![Лукашэнка звольніў Вакульчыка і Барсукова ў запас па ўзросце](/sites/default/files/styles/gallery_main/public/2023-08/000019_1603962146_413160_big.jpg.webp?itok=sSqEdHH3)
Аляксандр Лукашэнка звольніў былога дзяржсакратара Саўбеза генерал-лейтэнанта Валерыя Вакульчыка ў запас па ўзросце. Адпаведны ўказ апублікаваны ў аўторак на Нацыянальным прававым інтэрнэт-партале Беларусі. Пра адстаўку Вакульчыка стала вядома 29 кастрычніка. Тады ж ён быў прызначаны памочнікам кіраўніка дзяржавы, інспектарам па Брэсцкай вобласці. У дакуменце адзначаецца, што генерала адкамандзіравалі з Дзяржсакратарыята Савета бяспекі ў КДБ, які ён раней узначальваў.
Таксама ў запас па ўзросце адпраўлены экс-намеснік міністра ўнутраных спраў генерал-лейтэнант Аляксандр Барсукоў. Ён быў прызначаны памочнікам кіраўніка дзяржавы па сталіцы.
Былога міністра ўнутраных спраў генерал-лейтэнанта Юрыя Караева прыкамандзіравалі да Адміністрацыі прэзідэнта з захаваннем у кадрах МУС. Ён быў прызначаны памочнікам кіраўніка дзяржавы, інспектарам па Гродзенскай вобласці.
![Лукашэнка звольніў Вакульчыка і Барсукова ў запас па ўзросце](/sites/default/files/paragraphs/image/vakavaka1.png)
![Лукашэнка звольніў Вакульчыка і Барсукова ў запас па ўзросце](/sites/default/files/paragraphs/image/vakavaka2.png)
![Лукашэнка звольніў Вакульчыка і Барсукова ў запас па ўзросце](/sites/default/files/paragraphs/image/vakavaka3.png)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.