Ля мяжы з Украінай прымусова пасадзілі чарговы беспілотнік — ДПК Беларусі
![На мяжы з Украінай у Брэсцкай вобласці прымусова пасадзілі беспілотнік / скрыншот відэа @gpkgovby](/sites/default/files/styles/gallery_main/public/2023-08/dron_2_12.jpg.webp?itok=ujQs9nMU)
На мяжы з Украінай у Брэсцкай вобласці прымусова пасадзілі беспілотнік / скрыншот відэа @gpkgovby
Чарговы квадракоптар, які рухаўся з боку Украіны ў напрамку Беларусі, выявілі учора беларускія памежнікі. Беспілотнік заўважылі "за 1200 метраў ад дзяржаўнай мяжы над пунктам пропуску Макраны (з украінскага боку Даманава) на вышыні блізу 300 метраў", расказваюць у Дзяржаўным памежным камітэце.
Там кажуць, што беспілотнік ляцеў "у тыл беларускай тэрыторыі". Яго прымусова прызямлілі з "ужываннем радыёэлектроннай зброі". Апазнавальных знакаў на квадракоптэры не было, але была відэакамера "для вядзення разведкі прыгранічнай тэрыторыі Рэспублікі Беларусь", кажуць у ДПК. Распачатая праверка.
Гэта ўжо трэці беспілотнік, які перахопліваюць беларускія памежнікі гэтай восенню. Першы пасадзілі 2 лістапада ў кіламетры ад мяжы ў Гомельскай вобласці, другі — у Кобрынскім раёне Брэсцкай вобласці 16 лістапада.
На границе с Украиной посажен очередной беспилотник
— Госпогранкомитет Беларуси 🇧🇾 (@GpkGovBY) December 2, 2022
Подробности по ссылке: https://t.co/SHCSSzXwHW pic.twitter.com/UgOXv7t7rx
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.