Мінчанка загразла ў балоце, яе пабачыў у бінокль мужчына
![Мінчанка загразла ў балоце, яе пабачыў у бінокль мужчына](/sites/default/files/styles/gallery_main/public/2023-08/balota-3009-1.jpg.webp?itok=LuftrzTq)
30 верасня ў 13:58 мінскім ратавальнікам затэлефанаваў мужчына. Ён распавёў, што ў балоцістай мясцовасці ў раёне Лошыцкага парка чалавек просіць аб дапамозе, перадае прэс-служба МНС. Мужчына пабачыў пацярпелую ў бінокль.
Высветлілася, што жанчына ішла дадому і вырашыла скараціць шлях праз балота. Прыкладна за 10 метраў ад берага яна зразумела, што выбрацца не можа.
У 14:21 ратавальнікі знайшлі і даставілі 60-гадовую жанчыну на бераг. Яе перадалі брыгадзе хуткай медыцынскай дапамогі. Пасля агляду медыкі выявілі, што іх дапамога мінчанцы не патрэбная.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.