Мінэнерга: першы энергаблок БелАЭС уключаны ў сетку
![Мінэнерга: першы энергаблок БелАЭС уключаны ў сетку](/sites/default/files/styles/gallery_main/public/2023-08/rasatam1.jpg.webp?itok=RSHT4fQ6)
Уначы 8 сакавіка першы энергаблок БелАЭС зноў уключаны ў сетку, паведамляе ў Telegram прэс-служба Мінэнерга. Адбылося гэта "пасля выканання рэгламентных працаў, прадугледжаных этапам вопытна-прамысловай эксплуатацыі". У дадзены момант "ідзе павышэнне ўзроўню магутнасці рэактарнай устаноўкі".
Мінэнерга падкрэслівае, што выпрабаванні сістэм і абсталявання працягнуцца — з запланаваных 394 ужо выкананы 259.
Першы энергаблок БелАЭС быў адключаны для выпрабаванняў ад сеткі 20 лютага.
Напярэдадні Мінэнерга і Расатам паведамілі пра "загрузку імітатараў цеплавыдзяляльных зборак... у рэактар другога энергаблока Беларускай АЭС".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.