Міністр фінансаў не стаў адказваць на пытанні журналістаў аб праекце бюджэта
21 верасня міністр фінансаў Беларусі Уладзімір Амарын выступіў перад дэпутатамі з дакладам аб праекце бюджэта на 2017 год. Даклад міністра працягваўся больш за паўгадзіны, пасля чаго журналістаў папрасілі пакінуць залю. Перад сваім выступам міністр таксама не спыніўся перад камерамі, нягледзячы на шматлікія просьбы.
Апошняя сесія старога складу Палаты прадстаўнікоў пачнецца 3 кастрычніка. Мяркуецца, што на ёй дэпутаты зацвердзяць праект бюджэта. Новы склад парламента пачне працаваць 11 кастрычніка.
