Мінскі Свята-Елісавецінскі манастыр збірае грошы для расійскіх салдат
![Минский Свято‑Елисаветинский монастырь собирает деньги для российских солдат](/sites/default/files/styles/gallery_main/public/2023-08/000019_f972444081b300da432584e8002c379c_815653%20%281%29.jpg.webp?itok=NnsVx59T)
На тое, што мінскі Свята-Елісавецінскі манастыр праводзіць збор сродкаў для расійскіх вайскоўцаў, звярнулі ўвагу СМІ. Тэлеграм-канал "Хрысціянская візія" заўважыў, што са жніўня 2022 года валанцёрская група манастыра займаецца зборам сродкаў для патрэбаў вайскоўцаў і супрацоўнічае з валанцёрамі манастыра святой роўнаапостальнай Марыі Магдаліны ў вёсцы Нікольскае Арлоўскай вобласці.
![Минский Свято‑Елисаветинский монастырь собирает деньги для российских солдат](/sites/default/files/styles/default_image_paragraph/public/paragraphs/image/Screenshot%202022-11-03%20at%2019.29.18.png.webp?itok=8ArBxxiU)
Як адказалі выданню "Зеркало" ў манастыры, яны не збіраюць сродкі на зброю і не падтрымліваюць вайну. "Украінскі салдат, рускі салдат, беларускі салдат — гэта ўсё адно і тое ж. Хіба для вас не? Русь, Украіна, Беларусь — хіба не адны і тыя ж людзі? Калі б, вядома, украінскі салдат меў патрэбу ў нейкім абутку, швэдры, мы б яму перадалі", — сказала валанцёрка. Па яе словах, гэта не падтрымка вайны, а дапамога людзям, якія жывуць у нястачы.
Пры гэтым у расійскіх тэлеграм-каналах людзі ў вайсковай форме дзякуюць манастыру за грошы і кажуць пра планы купіць цеплавізары.
Раней у гэтым жа манастыры неадназначна адзначылі 9 траўня — манашкі выйшлі на сцэну ў пілотках. А святар протаіерэй Андрэй Лемяшонак сказаў на адным са служэнняў з нагоды пратэстаў у Мінску, што "не трэба параўноўваць хрысціян з несанкцыянаванымі мітынгамі! Гэтая маці павінная пакаяцца ў сваіх грахах за тое, што не выхавала сына!"
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.