Міжнародны крымінальны суд выдаў ордары на кіраўнікоў Ізраіля і лідара ХАМАС
Біньямін Нетаньяху / Debbie Hill/UPI
Міжнародны крымінальны суд выдаў ордар на арышт прэм'ер-міністра Ізраіля Біньяміна Нетаньяху. Яго падпісаў пракурор МКС Карым Хан.
Таксама ордары выдадзеныя на экс-міністра абароны Ізраіля Ёава Галанта і лідара ваеннага крыла тэрарыстычнай групоўкі ХАМАС Мухамеда Дыяба Ібрагіма аль-Масры. Ён вядомы пад імем Мухамед Дэйф і лічыцца адным з арганізатараў нападу 7 кастрычніка 2023 года. Сёлета ў жніўні ЦАХАЛ заявіў, што Дэйф загінуў падчас авіяўдару па раёне Хан-Юніс.
Галанта і Нетаньяху вінавацяць у ваенных злачынствах і злачынствах супраць чалавечнасці, учыненых у сектары Газа ў перыяд з 8 кастрычніка 2023 года па 20 траўня 2024-га.
Нетаньяху ўжо ахарактарызаваў запыт пракурора МКС як скандальны і заявіў, што гэта не спыніць ні яго, ні Ізраіль. Ордары на арышт кіраўнікоў Ізраіля асудзіў і прэзідэнт ЗША Джо Байдэн — на яго думку, гэта абуральнае рашэнне.
