Моцныя снегапады чакаюцца 16 снежня па поўдні Беларусі
![Зіма ў Беларусі / Еўрарадыё](/sites/default/files/styles/main_image_watermark_/public/2023-08/nadv-0912.jpg.webp?itok=otx38PHP)
Зіма ў Беларусі / Еўрарадыё
У пятніцу, 16 снежня, у Беларусі чакаецца воблачнае надвор'е, уначы — з праясненнямі, паведамляе Белгідрамет.
Уначы месцамі пройдзе невялікі снег, зранку і ўдзень на большай частцы тэрыторыі прагназуецца снег, мокры снег. Удзень па поўдні краіны ў многіх раёнах чакаецца моцны снег, месцамі — мяцеліца: сіноптыкі абвясцілі аранжавы ўзровень небяспекі. Вецер будзе паўднёва-заходні з пераходам на паўднёва-ўсходні, уначы — слабы, удзень — умераны, па поўдні — парывісты.
Тэрмометры ўначы пакажуць 7-13 марозу, удзень чакаецца ад 0 па поўдні да -8 па поўначы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.