МУС хоча скараціць да дзвюх гадзін час спаткання асуджаных са сваякамі
"Такая норма прапаноўваецца выключна ў выхаваўчых мэтах — уплываць на паводзіны асуджаных", — тлумачыць міністр унутраных спраў Ігар Шуневіч.
МУС прапануе скараціць працягласць кароткачасовых спатканняў асуджаных са сваякамі з трох да дзвюх гадзін. Па словах міністра Ігара Шуневіча, такая норма прапаноўваецца выключна ў выхаваўчых мэтах, каб мець магчымасць уплываць на паводзіны асуджаных у месцах пазбаўлення волі і папраўчых установах.
"Сённяшні стан рэжыму і нормы, якія яго рэгулююць, такія, што ў нейкай ступені выхаваўчыя функцыі нівелююцца. Я не думаю, што кароткачасовае спатканне цягам дзвюх гадзін неяк істотна паўплывае на абмежаванне правоў і свабод тых, хто знаходзіцца пад вартай", — адзначыў міністр.
Фота: ria.ru
