МУС склала спіс незанятых сельскіх жыхароў. Там больш за 70 тысяч чалавек
Рэйды па вёсках. / brestcity.com
У рамках “работы па забеспячэнні дысцыпліны і грамадскага парадку на аб’ектах аграпрамысловага комплексу і ў сельскай мясцовасці ў цэлым“ Міністэрствам унутраных спраў сфарміраваны спіс незанятых у эканоміцы вяскоўцаў працаздольнага ўзросту, паведамляя "Позірк" са спасылкай на прэс-службу МУС.
“Такіх у краіне звыш 70 тыс. чалавек. З іх больш за 3 тыс. стаяць на ўліку як хатнія скандалісты, звыш 6 тыс. — раней судзімыя. З гэтымі катэгорыямі праводзіцца адрасная прафілактычная праца, у якую ўцягнутыя не толькі супрацоўнікі міліцыі, але і іншыя зацікаўленыя”, — адзначае МУС.
Падкрэсліваецца, што “асаблівая ўвага” ў гэтай працы надаецца “сем’ям дармаедаў, у якіх выхоўваюцца непаўналетнія дзеці альбо пражываюць асобы сталага ўзросту”.
