На другім энергаблоку Беларускай АЭС усталяваны корпус рэактара
На другім энергаблоку Беларускай АЭС усталяваны корпус рэактара. Пра гэта агенцтву БЕЛТА распавялі ў прэс-службе групы кампаній ASE, якая выступае генеральным праектавальнікам і генеральным падрадчыкам збудавання.
Усталяванне корпуса рэактара другога энергаблока на АЭС у праектнае становішча адбылася 2 снежня. Гэта адна з ключавых падзеяў на этапе збудавання энергаблока. Таксама гэтая падзея з'яўляецца адпраўной кропкай для пачатку мантажу асноўнага абсталявання першага контуру.
Усталяванне корпуса вялося ў два этапы. Сам корпус мае агульную вагу больш за 330 т. У даўжыню корпус 11 м, яго дыяметр складае 4,5 м. Спярша яго ўзнялі на транспартны партал і на спецыяльным вазку па рэйках перавезлі ў гермазону. Потым з дапамогай палярнага крана корпус узнялі ў цэнтральную залу рэактарнага аддзялення і ўсталявалі на апорнае кальцо ў шахту рэактара.
Віцэ-прэзідэнт па праекце Беларускай АЭС групы кампаній ASE Віталь Медзякоў падкрэсліў, што гэта вельмі складаная аперацыя: "Паколькі на апорнае кальцо прыпадае ўся вагавая нагрузка, то дапушчальнае адхіленне пры сумяшчэнні восяў корпуса рэактара і апорнага кальца складае ўсяго адзін міліметр".
