На прадпрыемстве ў Мазыры загінуў рабочы
Здарэнне адбылося каля 13-й гадзіны ў нядзелю, 23 чэрвеня, у цэху безалкагольных напояў прадпрыемства "Мазырпіва".
57-гадовы слесар страціў прытомнасць у пустой ёмістасці на глыбіні трох метраў, дзе праводзіў рамотныя працы. Ён атруціўся парамі вуглякіслага газу. Праз 8 хвілін рабочага дасталі з ёмістасці выратавальнікі, аднак медыкі канстатавалі смерць мужчыны.
Як інфармуе прэс-служба МНС, мужчына не меў пры сабе сродкаў абароны органаў дыхання.
Фота — mchs.gov.by
