На відэа знялі, як маланка ўдарыла супрацоўніка аэрапорта каля самалёта

У ЗША надзвычайнае здарэнне ў міжнародным аэрапорце ў Фларыдзе трапіла на відэа. У мужчыну трапіла маланка, калі ён падышоў да самалёта.

На відэароліку можна пабачыць, як мужчына ў аранжавай камізэльцы ідзе да самалёта. Праз некалькі секундаў у яго трапляе маланка, пасля чаго чалавек без прытомнасці валіцца на зямлю.

Паведамляецца, што пацярпелага клічуць Осцін Дан, яму 21 год.

Маладога чалавека даставілі ў лякарню з апёкамі трэцяй ступені.