Жыхара Бярозы затрымалі за прычэплены на дзверы нарколага фалаімітатар
![У бальніцы ў Бярозе (ілюстрацыйнае фота)](/sites/default/files/styles/gallery_main/public/2024-05/bereza_crb5.jpg.webp?itok=AzSLmHMI)
У бальніцы ў Бярозе (ілюстрацыйнае фота) / bereza.by
Жыхара Бярозы затрымалі за прычэплены на дзверы нарколага фалаімітатар. 40-гадовы мужчына стаў фігурантам крымінальнай справы па факце хуліганства.
Як паведамляе тг-канал сілавікоў, мужчыну выклікалі на агляд да нарколага. Гэтым ён быў вельмі незадаволены, таму купіў у інтэрнэце фалаімітатар, прынёс яго ў бальніцу і прыклеіў на дзверы кабінета лекара. Медыкі паведамілі пра здарэнне ў міліцыю. Зламысніка вылічылі.
Пазней хуліган апраўдваўся тым, што хацеў адпомсціць лекару, якога ён лічыць "нядобрым". У выніку ж яго чакае крымінальная адказнасць.
![Жыхара Бярозы затрымалі за прычэплены на дзверы нарколага фалаімітатар](/sites/default/files/styles/default_image_paragraph/public/paragraphs/image/Nark_0.jpg.webp?itok=Q-SMoE_1)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.