Пад Баранавічамі ў кювет з'ехаў аўтобус Варшава-Мінск з пасажырамі
Аўтобус Варшава-Мінск з'ехаў у кювет пад Баранавічамі. Здарэнне адбылося ўвечары 17 студзеня.
Як распавяла афіцыйная прадстаўніца УУС Брэсцкага аблвыканкама Наталля Мілюкова, 51-гадовы мінчук, які кіраваў "Сетрай", не справіўся з кіраваннем. Аўтобус з'ехаў у кювет, але не перакуліўся.
"У салоне акрамя яго знаходзілася 25 чалавек, пацярпелых няма", — дадала Мілюкова.
Па пасажыраз адправіўся іншы аўтобус кампаніі, якая арганізавала паездку. На месцы ДТЗ працуюць супрацоўнікі ДАІ.
