Палітвязень Уладзімір Гундар трапіў у карцар і абвясціў галадоўку

Уладзімір Гундар на судзе / БЕЛТА

Палітвязня Уладзіміра Гундара зноў пасадзілі ў карцар. На знак пратэсту ён абвесціў галадоўку, піша праваабарончы цэнтр "Вясна".

Жонка палітвязня Алена Гундар расказала, што мужа пасадзілі ў карцар увечары 17 верасня. Перад тым ён адмовіўся жыць у адной камеры з падселенымі да яго двума вязнямі "нізкага сацыяльнага статусу". У адказ адміністрацыя турмы пакарала яго 10 суткамі карцара.

На час спагнання Гундар абвясціў, што будзе трымаць галадоўку і піць толькі ваду.

Паведамляецца таксама, што палітвязень захварэў, таму яму патрэбныя лекі. Магчыма, у яго каранавірус.

Палітвязня Уладзіміра Гундара судзяць у гродзенскай турме ў складзе "групы Мікалая Аўтуховіча". Суд пачаўся 18 траўня. Гундар мае інваліднасць. Ён ужо абвяшчаў галадоўку падчас суда.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.