Палітзняволены Мікалай Дзядок чацвёрты месяц знаходзіцца ў ШІЗА
Мікалай Дзядок / Euroradio
Палітзняволены Мікалай Дзядок чацвёрты месяц знаходзіцца ў ШІЗА, паведамляе @MDziadok. У верасні стала вядома, што супраць яго распачалі новую крымінальную справу — за "злоснае непадпарадкаванне адміністрацыі".
Блогера і анархіста Дзядка затрымалі ў лістападзе 2020 года. Яго абвінавацілі па трох артыкулах КК РБ — у "арганізацыі і падрыхтоўцы дзеянняў, якія груба парушаюць грамадскі парадак", у "закліках да дзеянняў, накіраваных на прычыненне шкоды нацыянальнай бяспецы Беларусі" і ў "незаконных дзеяннях у дачыненні да прадметаў, паражальнае дзеянне якіх заснаванае на выкарыстанні гаручых рэчываў". Мікалай не прызнаў віны ні па адным з пунктаў. Тым не менш, у лістападзе 2021 года яго асудзілі на 5 гадоў калоніі агульнага рэжыму.
Пазней палітвязню ўзмацнілі пакаранне і перавялі на турэмны рэжым. У зняволенні на яго аказваецца ціск.
