Пампеа: Ганконг больш не мае аўтаноміі ад КНР
Ганконг больш не мае аўтаноміі ад КНР, "улічваючы сітуацыю на месцы". Такую заяву зрабіў дзяржсакратар ЗША Майк Пампеа. Ён напісаў у Twitter, што паведаміў Кангрэсу пра сітуацыю з Ганконгам. Пры гэтым Злучаныя Штаты падтрымліваюць яго народ, піша Пампеа.
Аўтаномія Ганконга была прадугледжана, калі ў 1997 годзе Пекін атрымаў гэтую тэрыторыю ад Вялікабрытаніі. Міжнародная дамова была падпісана пры ўдзеле ААН. Майк Пампеа нагадаў, што Дзярждэп ЗША, у адпаведнасці з законам аб палітыцы ў дачыненні да Ганконга, абавязаны ацэньваць ступень яго аўтаноміі ад Пекіна. Аднак цяпер сітуацыя зусім іншая. Пампеа падкрэсліў: Вашынгтон спадзяваўся, што "свабодны і квітнеючы Ганконг стане ўзорам для аўтарытарнага Кітая, але цяпер відавочна, што Кітай мадэлюе Ганконг на свой узор".
Ці будуць ЗША рабіць нейкія захады для вяртання рэальнай аўтаноміі Ганконга, пакуль невядома. Гэта маглі б быць санкцыі супраць КНР.
Today, I reported to Congress that Hong Kong is no longer autonomous from China, given facts on the ground. The United States stands with the people of Hong Kong.
— Secretary Pompeo (@SecPompeo) May 27, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
