Парывы ветру да 24 метраў за секунду прагназуюць на суботу
![Парывы ветру да 24 метраў за секунду прагназуюць на суботу](/sites/default/files/styles/gallery_main/public/2023-08/000022_1604569278_414219_big.jpg.webp?itok=nA8FXo4C)
У суботу, 20 лістапада, у Беларусі чакаецца воблачнае з праясненнямі надвор'е, паведамляе Белгідрамет.
Уначы на большай частцы тэрыторыі краіны пройдуць дажджы. Удзень месцамі прагназуюцца кароткачасовыя дажджы, па паўночным усходзе магчымы мокры снег.
Вецер будзе заходні, паўночна-заходні. На большай частцы тэрыторыі краіны чакаюцца парывы ветру да 15-20 метраў за секунду, месцамі будзе нават 21-24 метры за секунду. Сіноптыкі абвясцілі аранжавы ўзровень небяспекі.
Уначы тэрмометры пакажуць ад +1 па паўночным усходзе да +9 па паўднёвым захадзе. Удзень прагназуецца 5-11 вышэй за нуль.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.